Evropianët po vuajnë pasojat e para të Brexit – Tarifa shtesë për mallrat britanikë
Klientët në Evropë që blejnë produkte duke filluar nga mobiljet te ushqimi për kafshët shtëpiake nga ndërmarrjet në Mbretërinë e Bashkuar po marrin fatura të papritura për TVSH-në dhe detyrimin doganor, për shkak të rregullave të Brexit.
Chris Hickson, një ekspert i logjistikës dhe transportit të mallrave që jeton në Francë, tha se shumë njerëz mund të jenë befasuar sepse besonin se marrëveshja e tregtisë pa tarifa e negociuar midis MB dhe BE do të thoshte se nuk do të kishte tarifa të tilla shtesë. E megjithatë, nuk është ky rasti.
Klientë të tjerë evropianë janë informuar se shitësit e tillë ikonë britanikë si dyqani luksoz i ushqimit Fortnum & Mason fatkeqësisht “nuk ishin në gjendje të dërgojnë ndonjë produkt në vendet evropiane në këtë moment aktual, për shkak të kufizimeve të Brexit”.
Tarifat janë taksa direkte të aplikuara nga qeveritë për mallrat e importuara nga një vend tjetër, kryesisht me qëllim që të rrisin çmimin e tyre dhe kështu të mbrojnë prodhuesit vendas. Detyrimet doganore janë taksa indirekte për mallrat nga jashtë që u ngarkohen importuesve.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.