Fabrikat në Eurozonë – Aktiviteti më i fortë në 7 vite, kërkesa e madhe sjell rritjen e stafit

Fabrikat në Eurozonë kanë patur muajin më të fortë që prej fillimit të 2011-ës në Tetor, ndërkohë që kërkesa e fortë ka sjellë nevojën e rritjes së punësimit me normën më të shpejtë në 20 vite.

Indeksi PMI, i formuluar nëpërmjet mijëra sondazheve drejt bizneseve dhe që shërben si një tregues i saktë për rritjen ekonomike, arriti 58.5 pikë, niveli më i lartë që prej Shkurtit 2011. Rritja ekonomike në bllokun e monedhës së përbashkët rezultoi sipër projeksioneve në 0.6% në tremujorin e tretë dhe punësimi ka rënë në nivelin më të ulët në 9 vite, në 8.9%.

Duke treguar se edhe Nëntori do të jetë aktiv, porositë e reja të fabrikave janë rritur me normën më të shpejtë në 7 vite.  Për të përballur rritjen e kërkesës, fabrikat kanë shtuar stafin me normën më të shpejtë në 20 vite.

Rritja e porosive tregon se fuqizimi i euros nuk ka pasur ndikim negativ këtë vit dhe se kërkesa e brendshme është përmirësuar në rajon.  Kjo rritje e kërkesës do të japë një nxitje të nivelit të çmimeve, që do të mirëpritet nga politikëbërësit e Bankës Qendrore Europiane.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.