Facebook sjell funksionin e ri: Kërkesë për ndihmë në rast infeksioni me COVID-19!

Aplikacioni i njohur Facebook aktivizoi një funksion të ri i cili u lejon personave të prekur nga pandemia e koronavirusit të ndihmojnë komunitetin e tyre. Feature i Ndihmës së Komunitetit u shtua në rrjetin social katër vjet më parë, si një mënyrë për të gjetur strehim, ushqim ose furnizime gjatë fatkeqësive natyrore, dhe këtë javë shtoi krizën COVID-19 në atë listë.

“Ne kemi parë që nga fillimi njerëzit që kërkojnë ndihmë,” i tha AFP kreu i aplikacionit në Facebook, Fidji Simo. “Ne kemi punuar për disa javë në aktivizimin e funksionit.”

Ndërsa Ndihma për Komunitetin është aktivizuar për tragjedi të tilla si zjarret e fundit të Australisë, kësaj here tipari arrin shumë më larg se një vend i vetëm dhe është integruar edhe në qendrën e informacionit të koronavirusit, sipas Simo.

Facebook vendosi rrezen e ndihmës si fikse në 50 milje në SHBA dhe 100 kilometra në vendet e tjera, por njerëzit mund të zvogëlojnë zonën në të cilën ata janë në dispozicion për të qenë më shumë në ndihmë. “Ju mund ta rregulloni atë nëse mund të ndihmoni vetëm në lagjen tuaj,” tha Simo. Ky tipar lejon përdoruesit e Facebook të kërkojnë ose të ofrojnë ndihmë nga bërja e pazareve ose dërgesa të ndryshme deri tek psikoterapia. (AFP)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.