Fatbardh Kadilli në “60 Minuta”, PD risi me përzgjedhjen e kandidatëve për deputetë

I ftuar në emisionin ’60 Minuta’ të gazetarit Arbër Hitaj, këtë javë ishte anëtari i kryesisë së Partisë Demokratike Fatbardh Kadilli, i cili foli për drejtimin e PD nga Lulzim Basha. Kadilli vlerësoi figurën e zotit Basha dhe modelin që po aplikon në parti me përzgjedhjen e kandidatëve duke e konsideruar një risi. Në lidhje me lajmet se nga ky proces përjashtohen figura si zoti Berisha, ai thotë se është e pavërtetë, pasi zoti Berisha përfshihet automatikisht në listë. Në lidhje me afrimin e ish figurave si zonja Jozefina Topalli apo të tjerë, Kadilli thotë se PD nuk mund të ftojë persona që nuk janë opozitarë.

2 javë më parë filluar procesin e përzgjedhjes së kandidatëve për deputet, me një model të ri, mund ta sqaroni diçka më shumë?

Ne kemi marrë modelin e konservatorëve britanikw. Ky model po aplikohet edhe me ndihmën e tyre në Partinë Demokratike. Mund ta them me plot bindje, se  kjo është një risi jo vetëm në Shqipëri por edhe në Ballkan. Madje as 80% e partive popullore europiane, nuk e kanë këtë model. Kjo i jep zë anëtarësisë që zgjedh % më të madhe të kandidatëve për deputet. Është një premtim i mbajtur nga zoti Basha, që në 2017 tha se kjo është hera e fundit që i bëj unë listat.

A përjashtohet njeri nga kjo listë e kam parasysh këtu figurën e zotit Berisha, pati edhe lajme në lidhje me këtë?

Në lidhje me lajmin se nuk i lejohet kandidimi ish kryeministrit Sali Berisha, ishte një dashakeqësi. Sepse në ndryshimet e reja, ish kryeministrat e PD dhe figura të tjera, do jenë automatikisht pjesë e listës. Është fat për Partinë Demokratike që të ketë në listat e saj themeluesin e partisë dhe liderin historik. Edhe unë shkoj konsultohem herë pas herë me të. Kjo s’do të thotë asgjë. Është një luks i madh për ne që e kemi Berishën, por kjo s’do të thotë se është ende ai kryetar partie. Mund ta them me bindje se Basha është kryetar i 100% i PD, dhe lajmet për të kundërtën janë të sponsorizuara nga mazhoranca.

Po flitet gjithnjë e më shumë për një hapje të PD, për të aftuar të larguarit dua të përmend disa personalitete si zonja Jozefina Topalli, etj. A ka një plan të tillë?

Fillimisht këta personalitete, duhet ta ndajnë mendojne janë opozitarë apo jo. Unë mendoj se një personalitet i lartë politik, vendos mos të jetë opozitar unë si PD nuk kanë pse ta ftoj.  Nëse shikoj që në qëndrimet e tij, ose saj publike në 3 muajt e fundit, ose të 10 ose më shumë qëndrimet publike, i ka kundër Lulzim Bashës dhe PD. Dhe nuk i kamë parë një qëndrim kundër Edi Ramës në 3 muaj ose më shumë, atëhere nuk mund ta ftoj atë person se nuk është më në opozitë, por i shërben dikujt tjetër. Se kështu i bie që Lulzim Basha të ftojë dhe Edi Ramën që ka qënë në PD.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.