Faturë më e madhe për familjet europiane – Konsumatorët pritet të ndiejnë rritjen e çmimit të energjisë këtë Dimër

Rritja e çmimeve të energjisë ka shkaktuar alarm tek liderët europian dhe ka sjellë tronditje përmes tregjeve botërore në javët e para të Tetorit, duke rritur shqetësimet për një krizë të karburantit gjatë Dimrit, që mund t’i japë avantazh Rusisë të pasur me gaz. Çmimet e naftës prekën nivelin më të lartë në mbi 7 vite dhe gazi natytror ndodhet në nivele rekod, pasi Kina dhe konsumatorë të tjerë të mëdhenj po hasin vështirësi me kërkesën e rimëkëmbur më shpejtë se sa pritej nga pandemia.  Në Europë, çmimet e gazit janë rritur me mbi 600% këtë vit prej shqetësimeve se nivelet aktuale të ulëta, nuk do mjaftojnë për Dimrin.

Ndërkohë në Shtetet e Bashkuara, kontratat futures të gazit natyror, ndodhen në nivelin më të lartë në 12 vite. Pasiguria nëse rritja e energjisë do nxisë inflacion dhe rritje të normave të interesit, kanë goditur tregjet botëror të kapitalit dhe titujt e borxhit në Europë. Ndërkohë që konsumatorët pritet të përballen me një rritje të madhe të faturave për Dimrin, energjia është kthyer në pikën kryesore të axhendës politike të BE.   Blloku, që importon 90% të gazit, theksoi se rusia nuk ka ndjekur furnitorin tjetër të madh, Norvegjinë, që ka shtuar furnizimet.  Presidenti Vladimir Putin, theksoi se Rusia po rrit furnizimet me gaz në Europë dhe është e gatshme të stabilizojë tregjet.

Gazprom deklaroi këtë javë se do t’i japë prioritet tregut të brendshëm ndaj eksporeteve, për shkak se pritet një dimër i ftohtë dhe me borë.  Komisionerja e energjisë në BE, Kadri Simons, tha se inventarët e gazit janë mbi 75% plotë në EUropë dhe se vendet kanë mjaftueshëm për të mbuluar nevojat e Dimrit, por rritja e çmimeve ka vënë në dukje nevojën për t’u kthyer tek energjitë e rinovueshme.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.