“Faza III e aksionit kundër informalitetit”, Tatimet: Në “vëzhgim” bizneset e mëdha dhe të vogla. Masat që po ndërmerren (FOTOT)

Ka vijuar gjatë ditës së sotme aksioni kundër informalitetit. Drejtoria e Përgjithshme e Tatimeve dha informacion për aksionin, i cili ka nisur që prej ditës së djeshme, që kishte në themel edukimin dhe informimin tatimpaguesve, rritjen e pajtueshmërisë vullnetare dhe vetëkorrigjimin.

“Administrata Tatimore vijoi sot me aksionin anti-informalitet, në themel të të cilit qëndron edukimi dhe informimi i tatimpaguesve, rritja e pajtueshmërisë vullnetare dhe vetëkorrigjimi. Grupet e përbashkëta të Hetimit Tatimor, Drejtorive Rajonale Tatimore dhe Inspektoriatit të Punës kanë vijuar punën në të gjithë territorin, duke u përqendruar si tek sipërmarrjet e mëdha ashtu dhe në ato të vogla. Administrata Tatimore falenderon sipërmarrësit dhe qytetarët për mbështetjen dhe i fton të luftojmë së bashku informalitetin!”, thuhet në njoftimin e Tatimeve

Kështu, informaliteti në ekonominë shqiptare llogaritet të jetë rreth 40 për qind, për këtë arsye qeveria “Rama 1” ndërmori një aksion ndaj këtij fenomeni, ku faza e parë u fokusua në lëshimin e kuponit tatimor, faza e dytë te formalizimi i bizneseve, ndërsa faza e tretë që tashmë duket se e ka ngritur “siparin” ka nisur me kontrollin e bizneseve të madha, por pa lënë jashtë vëmendjes edhe biznesin e vogël.

os.de/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.