Fazë e “stuhishme” kundër informalitetit/ Rama: Ja kur ulet tatimi mbi dividentin dhe çfarë do të ndodhë me taksat 4 vitet e ardhshme!
Gjatë intervistës së tij të parë pas konfirmimit për mandatin e dytë qeverisës, kryeministri Edi Rama tha se i qendron angazhimit për të mos rritur asnjë taksë për biznesin.
Megjithatë, nga ana tjetër, kryeministri tha se nuk ka më hapësira për të ulur më tej taksat në kushtet kur janë ndërmarrë një serë lehtësish më herët.
Megjithatë, një angazhim konkret është ai për uljen e tatimit mbi dividentin që kryeministri tha se do të përfshihet si nismë në paketën fiskale të radhës për të nisur zbatimin në fillim të vitit të ardhshëm. Veç taksave, kryeministri paralajmëroi nisjen e një faze të “stuhishme” në luftën kundër informalitetit.
“Nuk lëviz, nuk do të rrisim asnjë takse siç kemi thënë por nuk kemi çfarë ulim faktikisht. Biznesi i vogël e ka zero. Do të fillojmë fazën e stuhishme në luftën kundër informalitetit. Kësaj historie, në këto vite i vihet kapaku dhe do të jetë absolutisht një fazë tjetër sa i përket formalizimit” tha Rama.
Po ashtu, kryeministri njoftoi nisjen e një programi “agresiv” investimesh në infrastrukturën rrugore ashtu sikurse rikonfirmoi shifrën 220 mijë për vendet e reja të punës që parashikohet të hapën në 4 vitet e ardhshme.
Ndër të tjera, kryeministri tha se kreu i Kuvendit pritet të jetë Gramoz Ruçi.
Lexo edhe:
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.