“Fearless Girl”/ Historia e statujës së vajzës së guximshme që nxorri demin ikonik nga ‘Wall Street’
Një ditë para ditës ndërkombëtare të gruas në marsin e vitit 2017, ‘State Street Global Advisors’ që menaxhon 2.5 trilionë dollarë asete, u bashkua në solidaritet me demostruesit e ditës. Kompania instaloi statujën e një vajze sfiduese përballë statujës ikonike të demit në ‘Wall Street’. Regimi ndaj statujës së dizejnuar nga artisti Kristen Visbal ishte i menjëhershëm dhe i fuqishëm.
Statuja është një simbol i fortë por që përbrenda mban edhe një mesazh të fuqishëm. Vajza është pjesë e një fushatë për të ushtruar trysni mbi kompanitë që të shtojnë numrin e vajzave dhe grave në bordet e tyre drejtuese.
Në pllakën e statujës shkruhej “Know the power of women in leadership. SHE makes a difference,” (Njih forcën e gruas në drejtim. Ajo bën diferencë).
Vendosja e statujës së vajzës ishte parashikuar të ishte e përkohshme, fillimisht për një javë e më pas për një muaj. Duke qenë se statuja u pëlqye shumë, nisi një peticion me firma nga qytetarët që kërkonin që statuja e vajzës të qendronte aty përherë dhe jo përkohësisht.
Autori i statujës tjetër, i demit ikonik të vendosur në vitin 1989, e kundërshtoi vendosjen e statujës me argumentin se cënonte integritetin e veprës së tij. Në fund, të dy statujat sëbashku u transferuar në godinën e Bursës së New York.
Pas kësaj, në shumë vende të tjera të botës u vendosën statuja të riprodhuara të vajzës.
Një riprodhim i skulpturës u vendos në Norvegji, një tjetër në Australi dhe një në Britani.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.