Ferma diellore më e madhe në Britani do të ndërtohet pa mbështetjen e qeverisë
Cleve Hill do të bëhet parku fotovoltaik më i madh në Mbretërinë e Bashkuar, pasi të përfundojë ndërtimin në vitin 2020. Me një kapacitet prej 350 MW, ajo do të mund të prodhojë pesë herë më shumë energji se lideri aktual në vend.
Por e gjithë kjo mund të ndodhë pa ndihmën e qeverisë. Subvencionet e qeverisë për energjinë e pastër kanë funksionuar më së miri. Rritja e kërkesës për energji diellore ka sjellë edhe panele më të lira, një cikël që ka rezultuar në rritjen e energjisë diellore në të gjithë botën.
Por teksa energjia diellore bëhet më e lirë, asistenca e qeverisë bëhet më pak e nevojshme. Për këtë arsye, Britania i preu subvencionet në vitin 2016. Por a do mundet rritja e shpejtë të vazhdojë?
Edhe pse Cleve Hill nuk konsiderohet gjigande sipas standardeve globale, pasi në Kinë ferma diellore do të jetë 10 herë më e madhe, ajo përbën një model të ri. 365 hektarët e paneleve diellore nuk do të marrin aspak asistencë nga qeveria. Kompanitë që po e ndërkohë janë besimplota se kostot në rënie të paneleve do ta bëjnë projektin ekonomik.
Edhe më herët gjatë vitit, në Britani u hap një tjetër fermë pa subvencion qeveritar, e cila prodhon 10 MW energji, por ishte zgjerim i një ferme ekzistuese, e cila ishte ndërtuar duke përdorur subvencione.
Ndaj Cleve Hill mund të bëhet parku i parë fotovoltaik i vërtetë pa asnjë mbështetje nga shteti.
Kjo është një shenjë se prodhimi i energjisë diellore mund të lulëzojë edhe pa qeverinë. Por gjithsesi ajo përbën vetëm 0.6% të energjisë botërore, 85% e së cilës prodhohet duke djegur karburante fosile.
Angelo Haruni/SCAN
Edhe Shqipëria ka aprovuar një skemë mbështetëse për energjinë e pastër, duke premtuar të paguajë diferencën në çmim të energjisë së shitur nga parqet fotovoltaike në bursë dhe tarifës 100 euro për MWH.
Harta interaktive e energjisë në Shqipëri – Perëndimi drejt energjisë diellore, Lindja shfrytëzon burimet hidrike
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.