Ferma gjigante e erës në Danimarkë. Më e madhja e ndërtuar në det, do nisë furnizimin e energjisë në Shkurt
Firma suedeze e shërbimeve utilitare, Vattenfall, ka përfunduar ndërtimin e një prej fermave më të mëdha të energjisë së erës në det, në Danimark, që do të nisë furnizimin me energji në fund të muajit, sipas Agjencisë Daneze të Energjisë. Të gjithë 72 turbinat e fermës në detin Baltik janë instaluar dhe operatori Vattenfall ka marrë licencë të gjenerimit të energjisë, sipas rregullatorit, që e quajti një arritje për energjinë daneze të erës.
Ferma e energjisë së erës pritet të nisë dërgesat e para të energjisë nga 28 Janari, duke rritur gradualisht prodhimin deri sa të arrihet kapaciteti i plotë në muajin Gusht. Pasi të jetë tërësisht operacionale, ferma(Kriegers Flak) do të mund të furnizojë mjaftueshëm energji elektrike për 600,000 familje daneze, sipas agjencisë rregullatore. Vattenfall fitoi një tender për fermën e energjisë së erës në 2016 me një çmim prej 49.9 euro për megavat/orë, që ishte kosto më e ulët për një fermë në detë në të gjithë botën atëherë.
Kosto totale e investimit vlerësohet në reth 1.3 miliardë euro. Energjia e erës është e rëndësishme për planin e Danimarkës që të reduktojë emetimin e karbonit në 70% poshtë niveleve të vitit 1990 deri në fund të kësaj dekade.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.