Festa private e Krishtlindjeve shkakton shpërthimin më të madh të Omicron në Europë!
Të paktën 13 persona në kryeqytetin e Norvegjisë janë infektuar me variantin e koronavirusit omicron në një festë të Krishtlindjeve të kompanisë, thanë zyrtarët të premten.
Festa u zhvillua në kompaninë e energjisë së rinovueshme Scatec, e cila operon në Afrikën e Jugut, ku varianti u zbulua për herë të parë.
Instituti Norvegjez i Shëndetit Publik tha se kishte “një mbulim të lartë vaksinimi” në grup. Dy rastet e para të vendit u njoftuan të hënën.
Me shumë të panjohura rreth variantit të ri, qeveria norvegjeze tha se kufizimet e reja kombëtare dhe rajonale do të hyjnë në fuqi nga e premtja. Kryeministri norvegjez Jonas Gahr Stoere masat më të rrepta ishin rajonale dhe do të zbatoheshin për Oslo – një qytet me afro 700,000 banorë – dhe rrethet përreth.
Ai tha se ato përfshijnë punën nga shtëpia kur është e mundur, një kufi frekuentimi prej 100 personash në ngjarje private të brendshme në vende publike ose vende të marra me qira, dhe restorante dhe bare që duhet të regjistrojnë klientët.
Në nivel kombëtar, kushdo që hyn në Norvegji duhet të testohet brenda 24 orëve, qoftë në kufi, në një stacion testimi publik ose me vetëtestim. Nëse një test i shpejtë rezulton pozitiv, një udhëtar duhet të bëjë një test PCR brenda 24 orëve, tha qeveria.
Të martën, Norvegjia rekomandoi përdorimin e maskave të fytyrës në transportin publik dhe në dyqane dhe qendra tregtare. EN
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.