Festat e dyshuara të Johnson gjatë karantinës – Policia e Londrës bën thirrje për limite ndaj raportit, që rrezikon postin e tij
Hetimi për thyerjen e rregullave të karantinës së Covid-19 në Downing Street, që mund të përcaktojë të ardhmen e kryeministrit britanik, Boris Johnson, mund të vonohet më tej, pasi policia kërkoi që raporti të bëjë vetëm një “referencë minimale” ndaj atyre eventeve.
Johnson, që po përballet me kërcënimin më të madh të qeverisjes së tij, mbi festat e dyshuara që kanë thyer rregullat e karantinës tek banesa dhe zyra e tij, i ka bërë ballë deri më tani thirrjeve për të dhënë dorëheqjen, duke i kërkuar politikanëve që të presin për raportin. Raporti, i drejtuar nga nëpunësja e lartë civile Sue Gray, po shqyrton dyshimet që stafi dhe vetë Johnson, kanë marrë pjesë në festa në Doëning Street, duke thyer rregullat që ata vetë kishin vendosur ndaj popullsisë, për të luftuar pandeminë e koronavirusit.
Një rezultat pritej të publikohej gjatë javës që kaloi, por ky afat kohor u shty kur Policia Metropolitane e Londrës bëri të ditur se ka hapur një hetim në disa prej eventeve për të vlerësuar nëse janë ndërmarrë vepra penale. Autoritetet po përpiqen të gjejnë mënyra që të publikojnë raportin e Gray, pa kompromentuar hetimin penal dhe disa deputetë sshqetësohen se do të zbutet situata dhe sipas disa të tjerëve, mund të vonohet. “Për eventin që policia po heton, kemi kërkuar që të bëhet referencë minimale në raportin e zyrës së Kabinetit”- deklaroi policia Metropolitane.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.