Festimet për Ditën e Verës – Tirana dhe Elbasani, aktivitete të shumta argëtimi

Ndonëse është një festë pagane, Dita e Verës tashmë është kthyer në traditë  dhe ka marrë përmasa  të mëdha. Festimet për këtë ditë bëhen në gjithë vendin, por Tirana dhe Elbasani, janë qytetet që mbledhin dhe më tepër qytetarë.

Në kryeqytet ka nisur  me zbukurime dhe muzike në shumë  zona, duke bërë që atmosfera e festës të ndihet  gjithandej. Festimet  janë organizuar në Tiranë nga bashkia në bashkëpunim ke  institucionet arsimore dhe  artistike, por edhe me biznese të ndryshme.

Kështu në  bulevardin kryesor janë organizuar koncerte të ndryshme, ndërsa  parku pranë Tajvanit ishte mbushur me aktivitetet argëtuese  dhe lodra për fëmijë.

Por krahas  këtyre në sheshin “Nene Tereza” është ngritur një mini-panair, ku  kryesisht mbizotëronin punët artizanale. Por festimet për Ditën e Verës epiqendrën e kanë në qytetin e Elbasanit, ku  qytetarëve të këtij rrethi iu është bashkuar edhe kryetari i opozitës, Lulzim Basha.

Ai i uroi qytetarët që kjo festë tju sjellë shpresë për një të ardhme më të mirë. Basha vizitoi edhe panairin e biznesit, ku sipërmarrës lokalë kishin ekspozuar produktet e tyre karakteristike.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.