FIDO, standardi për një të ardhme pa password – Apple, Google dhe Microsoft arrijnë marrëveshjen dhe synojnë 2023

Të paktën 8 karaktere, një special, numra dhe gërma të vogla. Krijimi i një passwordi të ri – dhe duhet një i ri për çdo llogari – është pothuajse një rebus. Rregullat shumëfishohen. Mbi të gjitha, ka shumë password-e – sipas Nordpass, një nga softuer-et më të përdorur që ndihmojnë në menaxhimin e tyre – dhe secili nga përdor mesatarisht 100 passworde. Dhe ky numër në një botë gjithnjë e më dixhitale vijon të rritet. Më pas është problemi i sigurisë: sipas Avast, shoqërisë së Anti viruseve më shumë se 90% e passwordeve që janë në qarkullim janë shumë të cënueshëm ndaj sulmeve.

Në fillimi të viteve ’60 ishte informaticieni Fernando Hoze Korbato i MIT të Boston që krijoi sistemin e parë informatik të pajisur me password për të pasur akses në dosje të ndryshme. Aktualisht 87 vjec, ai pranon se ideja e tij është kthyer në një lloj makthi. Një makth që sipas Bill Gates, do të përfundojë shumë shpejt. Që në vitin 2004 themeluesi i Microsoft parashikonte se passwordi do të zhdukej shumë shpejt pasi nuk arrinte të ruante informacionet më delikate

Por Bill Gates nuk është i vetmi që e mendon një gjë të tillë, për këtë arsye ekziston aleanca Fido e cila që nga viti 2012 po punon për të ndryshuar natyrën e origjinalitetit. Mes ortakëve janë emrat më të mëdhenj të teknologjisë, në mënyrë të veçantë: Microsoft, Apple dhe Google. Sipas tyre standardi i ri i cili pritet të vendoset që në 2023-shin do të garantojë një siguri më të madhe on line.

Sistemi aktual nuk na lejon të ruajmë vërtet të dhënat tona sipas llogaritjeve të Forumit ekonomik botëror, që saktëson se 80% e shkeljeve të privatësisë së të dhënave ka të bëjë me password-et e dobët.

Si funksionon FIDO? Ai që njihet dhe si “Passkey” – çelësi i kalimit, funksionon në këtë mënyrë: kur regjistrohesh në një shërbim on line, telefoni ynë celular krijon një kopje të re çelësash. Ajo private ruhet në aparatin e celularit, ndërsa kopja publike regjistrohet nga aplikacioni apo uebsajti. Kur përdoruesi kërkon të hyjë më pas, telefoni celular duhet të tregojë se ka çelësin privat në shërbim. Çelësi privat zhbllokohet me futjen e një PIN, njohjen e fytyrës apo të çdo mënyre tjetër që përdorim për të zhbllokuar telefonin celular, tabletet apo kompjuterët. Pak a shumë si një password menaxher, ku ka vetëm një password për t’u mbajtur mend

Që të jetë efikas standardi duhet të përshtatet me çdo aparat të teknologjisë, dhe për këtë arsye u krijua dhe aleanca aktuale mes tre kolosëve të teknologjisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.