“Fillimi i fundit” – BE nis vaksinimin masiv kundër Covid-19 në atë që po quhet një moment shprese për kontinentin e vjetër

Kombet e Bashkimit Evropian kanë filluar zyrtarisht një përpjekje të koordinuar për vaksinuar të moshuarit midis 450 milion qytetarëve të tyre, duke shënuar një moment shprese në kontinent.

Vaksinat u administruan të dielën në mëngjes për njerëzit më të rrezikuar dhe punonjësit e kujdesit shëndetësor në të gjithë bllokun.

Presidentja e Komisionit Evropian Ursula von der Leyen tha se shpërndarja masive e një vaksine të vlefshme koronavirus ishte “një moment prekës për unitetin e BE”.

Në Pragë, kryeministri çek Andrej Babis mori vaksinën në agim dhe pohoi: “Nuk ka asgjë për t’u shqetësuar”. Në Romë, pesë mjekë dhe infermierë të u ulën në një gjysmë rrethi në spitalin e sëmundjeve infektive Spallanzani të Romës për të marrë dozat e tyre.

Gjermania, Hungaria dhe Sllovakia filluan fushatën e tyre të vaksinimit COVID-19 të shtunën, një ditë më parë sesa planifikimi i koordinuar i Komisionit Evropian në të gjitha vendet anëtare.

Shtetet anëtare të BE morën secilën një dërgesë të parë me diçka më pak se 10,000 doza të vaksinës Pfizer / BioNtech të shtunën, por vaksinimi nuk supozohej të fillonte nëpër 27 vendet e bllokut deri të dielën.

D.B – SCAN
Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.