Fillimi i vitit të ri akademik 2020-2021, Hoxha: Janë marrë të gjitha masat kundër COVID-19.
Të hënën nis viti i ri akademik 2020-2021 , i cili, ndryshe nga vitet e tjera për shkak të pandemisë, mësimi nw muajin e parw, do të zhvillohet online. Rektori i Universitetit të Tiranës, Artan Hoxha, përmes një video, të shpërndarë në rrjetet sociale, ka uruar të gjithë studentët për fillimin e vitit të ri akademik duke garantuar se janë marrë të gjitha masat për mbrojtjen nga covid-19 të studentëve edhe stafit pedagogjik.
“Të dashur studentë dhe kolegë. Ju uroj suksese dhe mbarësi për fillimin e vitit të ri akademik 2020-2021. Ky është një fillim viti i ndryshëm i diktuar nga situata e përgjithshme e zhvillimit të pandemisë për shkak të përhapjes së koronavirusit. Kemi marrë masa për mbarëvajtjen e vitit akademik. Mësimi do të bëhet vetëm online. Do përdorim platformën online deri sa të jetë e nevojshme. Shpresoj të kthehemi sa më parë në auditor. Ju uroj suksese, do të realizojmë objektivat. Studentët të regjistrohen në platformën online sipas udhëzimeve”, – u shpreh Hoxha.
Hoxha u ndal në një urim të veçantë për studentët që ulen për herë të parë në auditore, ndërkohë që bëri thirrje për përgjegjshmëri duke respektuar ,masat dhe besimin për rikthim të shpejtë në auditore .
“Të nderuar studentë, ju uroj shumë suksese, sidomos studentëve që hyjnë për herë të parë në ambientet e Universitetit të Tiranës. Bëj thirrje që të tregohet kujdes në zbatimin e rregullave për t’u mbrojtur nga ky virus. Janë marrë masa ndaj Covid-19, sipas protokolleve ndërkombëtare.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.