Financat, fushatë privatizimesh – 1913 objekte shtetërore në ankand, reparte, fabrika, zyra, depo

1913 objekte shtetërore janë nxjerrë në ankand nga Ministria e Financave.  Objektet janë publikuar në faqen e saj zyrtare, të shoqëruara me vendodhjen e pasurisë, dhe institucionin shtetëror që e ka në pronësi.  Pjesa dërrmuese e pronave janë nxjerrë në shitje, ndërkohë që disa prej tyre lihen me qira.

Bëhet fjalë për ambientet e ish uzinave, fabrikave e ndërmarrjeve shtetërore të epokës së komunizmit, magazina, depo, ndërtesa, si dhe një numër i konsiderueshëm ish repartesh ushtarake.  Pjesa dërrmuese e pronave janë lënë prej vitesh pas dore e aktualisht janë në gjendje e mjerueshme.

Të ardhurat nga shitja e pronave janë llogaritur të shkojnë për llogari Agjencisë së Trajtimit të Pronave, si fond kompensimi për pronarët.  Lajmi i keq është se për një pjesë të tyre ka pasur edhe përpjekje të mëparshme për t’u privatizuar, por pa sukses.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.