Financat, korrigjojnë shifrat e 4-mujorit – Rriten të ardhurat dhe shpenzimet kapitale
Ministria e Financave ka korrigjuar shifrat e të ardhurave gjatë periudhës Janar-Prill 2020. Në publikimin e fundit të treguesve fiskalë, vihet re se të ardhurat totale janë raportuar me një rritje të lehtë prej 180 milionë lekësh, duke arritur shifrën e afro 133.2 miliardë lekësh.
Ajo që duket se ka ndryshuar shifrat në buxhet, janë të ardhurat nga ndihmat, të cilat në treguesit e publikuar në muajin Maj rezultonin në 4-mujor në 1.5 miliardë lekë, ndërsa tashmë regjistrohen në rreth 1.7 miliardë lekë. Ndërkohë nga ana tjetër është korrektuar edhe total i i shpenzimeve. Në treguesit e mëparshëm rezultonin në nivelin e 148.75 miliardë lekë, ndërsa në shifrat e fundit shifra është në rritje, duke u regjistruar në 148.8 miliardë lekë.
Dhe konkretisht në rritje duket se ka ndikuar vetëm zëri i investimeve publike, ku rezultojnë të shpenzuara afro 52 milionë lekë më shumë. Masat e marra kundër Covid-19, duke mbyllur aktivitetin e një pjese të konsiderueshme të bizneseve, si dhe mbylljen e kufijve, kanë dëmtuar rëndë arkën e shtetit pasi në 4 mujor rreth 132 milionë euro më pak se e njëjta periudhë e një viti më parë.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.