Firmat me reputacionin më të madh. Lego zë vendin e parë. Gjigantët e teknologjisë mbeten pas
Lego ka kryesuar listën si kompania me reputacionin më të madh në botë për të katërtin vit radhazi, ndjekur nga Disney, ndërkohë që të dy firmat janë shfaqur në dhjetëshen kryesore çdo vit që prej 2011.
Inovacioni, investimet në trajnimin e stafit dhe fokusi tek cilësia, kanë bërë që këto kompani të ruajnë pozitën e tyre, sipas Institutit të Reputacionit, që ka anketuar mbi 80,000 persona në 15 vende për të ndërmarrë studimin. Lego shënoi 78.9 nga 100 pikë, ndërsa Disney shënoi 78.1 pikë.
Rolex, Ferrari, Microsoft, Levi Strauss, Netflix, Adidas, Bosch dhe Intel mbushin dhjetëshen e parë. Në sondazh, njerëzit u pyetën se si e perceptojnë një kompani, përfshirë produktet e tyre, qeverisjen, performancën financiare, inovacionin apo mënyrën se si sillen me shoqerinë e gjerë.
Lego dhe Disney performuan mirë në aspektin e produkteve dhe shëribmet e tyre. Disney rezultoi mirë edhe për shkak të investimeve në edukim, pasi vendosi 50 milionë dollarë për trajnimin e stafit gjatë vitit, përfshirë financim për edukimin e lartë dhe kurseve.
Kompani që i’u ndje mungesa në dhjetëshen e parë ishin Google dhe Apple, që rezultuan në vend të parë dhe të dytë në mënyrë respektive kur nisi sondazh në vitin 2011.
Sipas raportit, Google ka qenë një nga kompanitë e teknologjisë pioner në përfitimet në ambjetet e punës, përfshirë vakte falas, ambjete të fjetjes dhe klasa në publik. Megjithatë, ka rënë për shkak të rritjes së aktivizmit të punonjësve.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.