Fiskalizimi, faturat elektronikë në rritje – Tatimet: Në 4 muaj janë lëshuar 49 960 fatura, në korrik nisin transaksionet biznes me biznes
49960 fatura elektronike janë lëshuar përgjatë 4-mujorit të parë të këtij viti. Të dhënat raportohen nga Drejtoria e Përgjithshme e Tatimeve, duke bërë pblike ecurinë e reformës së fiskalizimit, që nisi janar të këtij viti. Faza e parë e zbatimit të kësaj reforme, konsiston në transaksionet pa para në dorë midis tatimpaguesve dhe enteve publike, por vetëm me faturë elektronike. Ndërkohë që, gjatë 4-mujorit vihet re një tendencë në rritje e përdorimit të tyre nga muaji janar, në muajin prill.
Ndërkaq, sa i takon faturave me para në dorë, ato vijojnë në jenë dominuese, teksa për periudhën janar-prill janë lëshuar në total 855 945 fatura. Ky numër i lartë lidhet me faktin se reforma e fiskalizimit ende nuk është shtrirë në të gjitha kategoritë e tatmipaguesve. Faza e dytë, që përfshin transaksionet pa para në dorë midis tatimpaguesve, biznes me biznes do të nisë prej datës 1 Korrik 2021 dhe përkufizon monitorimin e pagesave të këtyre transaksioneve nëpërmjet sistemit bankar.
Ndërkohë që, faza e tretë që përfshin transaksionet biznes- konsumator do të nisë të aplikohet prej datës 1 Shtator 2021. Ndërkaq, Drejtoria e Përgjithshme e Tatimeve bën me dije se pavarësisht detyrimit për t’u përfshirë në Fiskalizim sipas afateve të mësipërme, të gjithë subjektet kanë mundësi të fiskalizojnë transaksionet e tyre përpara këtyre afateve.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.