“Fiskalizimi në bujqësi e hidrokarbure, i dështuar” – Braçe: Qeveria duhet të vihet në lëvizje për të përmbyllur procesin
Deputeti i mazhorancës Erion Braçe është shprehur nga foltorja e Kuvendit se procesi i fiskalizimit ka dështuar në dy sektorë kyç të jetës ekonomike të vendit: hidrokarburet dhe bujqësia.
Ai u ndal gjatë te hidrokarburet, duke akuzuar se ndërsa sektori në tërësi është pro fiskalizimit, procesi mbahet peng nga një kompanie e vetme.
Ai akuzoi edhe problemet që po has procesi i fiskalizimit në bujqësi, i cili prek në radhë të parë fermerët. Sipas tij, ata nuk përfitojnë nga rritja e çmimeve nga zinxhiri i tregtarëve.
Në përfundim të debateve deputetët votuan pro shtyrjes së procesit të fiskalizimit për 6 muaj.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.