Fiskalizimi/Tatimet trajnojnë trajnerët! Kualifikohen për sistemin e ri të faturimit
Drejtoria e Përgjithshme e Tatimeve njofton nisjen e ciklit të parë të trajnimeve mbi projektin e Fiskalizimit, duke filluar me Trajnimin e trajnerëve rajonalë.
“31 specialistë me përvojë, të përzgjedhur nga secila prej Drejtorive Rajonale Tatimore, po kualifikohen si trajnerë lokalë për të përcjellë njohuritë mbi sistemin e ri të faturimit online, tek të gjithë punonjësit e Administratës Tatimore” njoftojnë Tatimet.
Kjo është vetëm faza e parë e një cikli të gjerë trajnimesh, i cili përveç stafit të Administratës Tatimore, përfshin edhe trajnimin e tatimpaguesve dhe specialistëve të fushës në lidhje me këtë projekt.
Trajnimet do të shtrihen në të gjithë vendin dhe do të organizohen në bashkëpunim me Qendrën e Trajnimit të Administratës Tatimore dhe Doganore(QTATD), duke përcjellë njohuritë e nevojshme mbi të gjitha fazat dhe modalitet e zbatimit të këtij projekti.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.