Fituesi i çmimit nobel në ekonomi Paul Krugman: Rreziku i tepërt i recesionit mund të lehtësohet nëpërmjet lehtësirave financiare

Në një intervistë për Business Insider, fituesi i çmimit nobel në ekonomi Paul Krugman, ka shpjeguar pse kërcënimi për një recesion në ekonomi është i vërtetë dhe çfarë masash duhen marrë për ta ndalur atë.

“Ne në thelb jemi duke mbyllur qëllimisht dhe siç duhet gjërat jo-thelbësore. Ne po bëjmë, unë do të thoja, një gjendje kome e shkaktuar nga mjekësia, ku mbyllen pjesët kryesore të trurit në thelb për t’i dhënë trurit një shans për t’u shëruar nga dëmtimi. Ne duhet ta bëjmë këtë nëse nuk duam që shumë njerëz të vdesin, por problemi është, para së gjithash, të gjithë ata njerëz që kanë mbetur të papunë për shkak të kësaj, me çfarë do të jetojnë? Të gjitha bizneset që nuk janë në gjendje të operojnë, si do të mbijetojnë? Kjo është arsyeja pse ne kemi nevojë për një paketë të madhe ndihme, e cila në thelb është lehtësim. Kjo është pjesa e rëndësishme.

Tani ekziston një pasojë dytësore, e cila është se nëse nuk sigurohet lehtësim financiar i mjaftueshëm, të gjithë ata njerëz, bizneset e të cilëve janë mbyllur nuk mund të blejnë në tregje, dhe kështu do të krijohet një lloj recensioni konvencional dhe kjo është ajo që ne po përpiqemi të parandalojmë. Kryesisht është lehtësim nga katastrofa, por ka edhe stimulues për të provuar dhe larguar atë recesion konvencional në majën e komës.

Deri në 25% e ekonomisë do të mbyllet për një periudhë të zgjatur. Ne në thelb po përpiqemi të zëvendësojmë të ardhurat e atyre njerëzve dhe nuk bëjmë zëvendësim total, por të pjesshëm.

Sektori privat nuk po investon. Aplikimet për hipotekë janë shembur. Ama kursimi privat me siguri ka shkuar rrugën e duhur. Ndoshta njerëzit po shpenzojnë disa para që nuk po i shpenzojnë në restorante për gjëra të tjera, por shumë prej tyre thjesht janë duke kursyer. Ne kemi këtë tepricë të madhe në sektorin privat të ë këtyre parave të tepërta që kërkojnë diku për të shkuar. Kjo është zgjidhja.”

D.B – SCAN

Burimi: Business Insider.  Intervista e plotë: https://www.businessinsider.com/paul-krugman-warns-of-fiscal-time-bomb-if-relief-insufficient-2020-4

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.