Fjalimi i Erdogan kundër inflacionit: ‘E kam ulur në 4% më parë dhe mund ta bëj përsëri’!

Presidenti Recep Tayyip Erdogan tha se ka ulur më parë inflacionin e Turqisë në rreth 4% më parë dhe shtoi se mund ta arrijë këtë përsëri, ndërkohë që niveli i çmimeve kaloi 21%, pas një përpjekjeje agresive për të ulur interesat në vend.  Erdogan ka thënë se politika, që ka rrëzuar valutën e vendit, është pjesë e një “lufte të suksesshme të pavarësisë ekonomike”.

Ai thotë se politikat do nxisin eksportet, punësimin, investimin dhe rritjen ekonomike, por shumica e ekonomistëve e quajntë një veprim të shkujdesur, dhe parashikojnë se inflacioni do të rritet përtej 30% në vitin e ardhshëm. Lira tukre shënoi një nivel rekord prej 17 kundër dollarit në tregtinë e së Premtes. E goditur nga shqetësimet e inflacionit, valuta ka humbur mbi 55% të vlerësk ëtë vit dhe 37% në 30 ditët e fundit. Gjatë fjalimit Erdogan përsëriti këndvështrimin e tij të pazakontë se interesat shkaktojnë rritje të çmimeve dhe shtoi se inflacioni me shumë mundësi do të bjerë së shpejti. “Herët ose vonë, ashtu siç e ula inflacionin deri në 4% kur erdha në pushtet, ne do ta bëjmë përsëri.

Por unë nuk do të lë popullin tim të dërrmohet nën normat e larta të interesit” – tha Erdogan.  Në vitin 2011, kur Erdogan ishte kryeministër, inflacioni ra në rreth 4%. Që prej bitit 2017 është rritur dhe në Nëntor shtoi 3.5% brenda 1 muaji dhe 21.3% me bazë vjetore.  Shumë turq kanë thënë se rritja me 50% e pagës minimale e lajmëruar nga Erdogan javën e kaluar, ç’ka pritet të rrisë dhe inflacionin, nuk do të jetë e mjaftueshme.  Erdogan tha se problemet e Turqisë vijnë për shkak të “sulmeve të paarsyeshme” ndaj ekonomisë dhe hodhi poshtë thirrjet për kontrolle të kapitalit. “Kursi i këmbimit është arma e lojës që po i bëhet Turqisë dhe pasi çmimet të stabilizohen, ne do të na hapen dyert e një Turqie më të madhe dhe më moderne brenda disa muajve”- tha Erdogan.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.