Fletëudhëzuesit e barnave në gjuhën shqipe – AKBPM: Miratimi, një tjetër hap në plotësimin e kuadrit ligjor

Fletëudhëzuesit e barnave pritet të jenë së shpejti edhe në gjuhën shqipe. Kjo është bërë e ditur gjatë takimit të organizuar mes drejtuesve të Ministrisë së Shëndetësisë dhe Mbrojtjes Sociale, Agjencisë Kombëtare të Barnave dhe Pajisjeve Mjekësore si dhe të anëtarësisë dhe drejtuesve të Shoqatës Shqiptare të Përfaqësive Farmaceutike që operojnë në vend.

Sipas AKBPM, miratimi i këtij fletëudhëzzuesi është një tjetër hap në vijim e plotësimit të kuadrit ligjor, duke iu ardhur në ndihmë përdoruesve të barnave lidhur me përdorimin e tyre.

“Pas Rregullores së Publicitetit të Barnave, miratimi edhe i Fletëudhëzuesve në Gjuhën Shqipe është një tjetër hap për vazhdimin e plotësimit të kuadrit ligjor, duke bërë të mundur një informim sa më të mirë të qytetarëve në lidhje me përdorimin e barnave”, thuhet në njoftimin e AKBPM.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.