Fluturimet ajrore po rikuperojnë nga pandemia. Në maj u rritën me 21.9 herë
Lehtësimi i masave parandaluese për përhapjen e pandemisë është reflektuar edhe në rritjen e lëvizjes nga ana e qytetarëve. Referuar të dhënave të publikuara nga INSTAT, rezulton se në Maj 2021, numri i fluturimeve të kryera është 1.610 duke duke u rritur 7,3 herë në krahasim me Maj 2020.
Krahasuar me mesataren e muajve Maj për periudhën 2018-2020, numri i fluturimeve është rritur me 3,6 %.
“Në muajin Maj 2021, transporti ajror i pasagjerëve zë 80,5 % të transportit gjithsej. Numri i pasagjerëve që kanë udhëtuar me linja ajrore, në Maj 2021 është 152.842 pasagjerë duke u rritur 21,9 herë, krahasuar me Maj 2020” informon INSTAT.
Por gjithsesi, udhëtimet ajrore ende nuk kanë arritur në nivelet e para pandemisë pasi krahasuar me mesataren e muajve Maj për periudhën 2018-2020, numri i pasagjerëve që kanë udhëtuar me linja ajrore është ulur me 4,0 %.
Në pesëmujorin e parë të vitit 2021, numri i pasagjerëve që kanë udhëtuar me linja ajrore është 495.646 pasagjerë duke u ulur me 5,9 %, krahasuar me pesëmujorin e parë të vitit 2020.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.