‘Fluturimet për askund’ shiten në kohën rekord prej 2.5 min – Pasagjerët mund të admirojnë Super-Hënën nga 40 mijë metra lartësi
Qantas po ofron një “fluturim për askund” të ri që do t’u japë banorëve australianë të uritur për udhëtime mundësinë të admirojnë superhënën e fundvitit dhe eklipsin e plotë të hënës nga mbi 40,000 metra në qiell. Nëse shpresonit të blini bileta, nuk keni fat – linja ajrore thotë se ato u mbërthyen në “kohë rekord” – 2.5 minuta për të qenë të saktë.
Fluturimi i superhënës është i fundit në një seri udhëtimesh të operuara nga Qantas që i çojnë udhëtarët për një fluturim gëzimi, përpara se t’i kthejnë ata prapa aty nga kanë ardhur. Biletat për fluturimin e superhënës filluan me 386 dollarë, ndërsa klasi i biznesit ishte në shitje për 1,160 dollarë.
Pas biletave të shitura, gjithashtu u krijua një listë pritjeje, por që atëherë ajo është mbyllur. Fluturimi premton disa pamje mjaft spektakolare të hënës. Linja ajrore tha në një njoftim për shtyp se po punon me astronomën Dr. Vanessa Moss për të hartuar “rrugën optimale të fluturimit mbi Oqeanin Paqësor”.
Moss do të jetë gjithashtu në bord për të argëtuar udhëtarët me fakte dhe njohuri për ngjarjen hënore të 26 majit, të cilën NASA e quan një “super eklipsi i hënës së gjaktë”. NASA shpjegon se pjesa “super” vjen nga fakti që hëna e plotë do të jetë afër pozicionit të saj më të afërt orbital me Tokën, e cila do ta bëjë atë më të madhe dhe më të ndritshme për syrin e njeriut.
Nga disa pjesë të botës, hëna do të duket se merr një nuancë të kuqërremtë për shkak të eklipsit të hënës. Ndërsa hëna kalon përmes hijes së Tokës, ajo do të duket më e errët dhe më e kuqe. “Ngjyra e kuqe vjen nga rrezet e diellit që filtrojnë përmes atmosferës së Tokës – një unazë drite e krijuar nga të gjitha lindjet e diellit dhe perëndimet e diellit që ndodhin rreth planetit tonë në atë kohë”, thotë faqja e internetit e NASA.
Agjencia Amerikane e Hapësirës shton se sa e kuqe do të shfaqet hëna është “e vështirë të parashikohet” pasi kjo gjithashtu mund të ndikohet nga pluhuri në atmosferë. Eklipsi i plotë i hënës, i vetmi i vitit 2021, do të jetë i dukshëm nga Australia, Zelanda e Re, disa territore të Paqësorit dhe bregu perëndimor i SHBA.
Ndërsa është e rrezikshme të shikosh drejtpërdrejt një eklips diellor, është e sigurt të admirosh një eklips hënor. Fluturimi Qantas do të zhvillohet në një Boeing 787 Dreamliner, i zgjedhur sepse dritaret e tij të mëdha e bëjnë atë “ideal për shikimin e hënës”, tha në një deklaratë shefi i klientit të linjës ajrore, Stephanie Tully.
Fluturimi i superHënës do të zgjasë tre orë, duke u nisur nga Sidnei dhe duke fluturuar mbi portin e qytetit përpara se të lundronte mbi re për të parë hënën dhe eklipsin. Udhëtarët do të qëndrojnë të maskuar dhe do të kërkohet distanca shoqërore në bord.
Transportuesit e tjerë gjithashtu kanë operuar fluturime për askund, duke përfshirë All Nippon Airëays, EVA Air dhe Hong Kong Express. Një nga pasdagjerët, i cili ishte në bordin e fluturimit në Hong Kong, e quajti përvojën e kthimit në qiell “çuditërisht emocionuese”. (CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.