‘Flydubai’ vjen në Shqipëri – Fillojnë fluturimet direkte Tiranë-Dubai
Aeroporti Ndërkombëtar i Tiranës (TIA) njofton fillimin e fluturimit të ri të drejtpërdrejtë me Aeroportin Ndërkombëtar të Dubait (DBX) dhe anasjelltas duke filluar nga data 28 Mars 2021. Linja ajrore me bazë në Dubai, Flydubai, do të operojë dy herë në javë, të Enjteve dhe të Dielave, me një Boeing 737.
Sipas njoftimit Flydubai do të jetë linja e parë me qendër në Dubai që ofron fluturime direkte në këtë itinerar dhe fluturimet do të nisen nga TIA në 13.30 pasdite duke arritur në DXB në 21.55 të darkës, të orës lokale ndërsa fluturimi i kthimit niset në 9.35 të mëngjesit, ora lokale, nga Dubai dhe arrin në TIA në 12.30 të drekës.
Sipas njoftimit kompania ajrore Emirates do të operojë tranzit së bashku me kompaninë Flydubai duke u ofruar udhëtarëve më shumë lidhje pa ndërprerje përmes qendrës ndërkombëtare të aviacionit të Dubait në 155 destinacione duke përfshirë Australinë, Kinën, Oqeanin Indian, Japoninë dhe Azinë Jugore.
Për orarin e plotë dhe çmimet, ju lutemi vizitoni: https://www.flydubai.com/en/plan/timetable ndërkohë që biletat janë në shitje nga 10 Mars 2021.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.