FMN aprovon 51.6 milion euro kredi për Kosovën, për të përballuar krizën e Koronavirusit
Fondi Monetar Ndërkombëtar ka aprovuar një kredi prej 51.6 milion euro (56.06 milion dollarë) për Kosovën për të trajtuar krizën ekonomike të shkaktuar nga koronavirusi i ri dhe për të adresuar çështjet urgjente të bilancit të pagesave, tha huadhënësi ndërkombëtar.
Sipas njoftimit të FMN-së pandemia do të godasë rëndë ekonominë e Kosovës. “Ekonomia pritet të kontraktohet me 5% në vitin 2020 pasi faturat e turizmit, dërgesat nga emigracioni, eksportet e mallrave dhe IHD do të ulen për shkak të kufizimeve të udhëtimit dhe efektit të COVID-19 në partnerët tregtarë dhe vendet me origjinë të dërgesave”, tha FMN. në një deklaratë.
Vendi i vogël i Ballkanit kishte pritshëmëri për të parë një rritje ekonomike rreth 4% këtë vit. Qeveria tha se do të injektojë rreth 180 milion euro në ekonominë prej afro 8 miliardë euro, për të ndihmuar sektorin privat të përballet me krizën.
Deri ditën e Premte, rreth 250 njerëz u infektuan me Koronavirus në Kosovë, përfshirë këtu edhe 7 viktima.(Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.