FMN e befasuar nga Kina: Rritja ekonomike mbi pritshmëritë, mundësi e mirë
Kina raportoi gjatë javës një rritje ekonomike në 6.9% gjatë tremujorit të parë të vitit, duke kapur në befasi të gjithë, përfshirë Fondin Monetar Ndërkombëtar.
Chang-Yong Rhee, që është drejtori i departamentit të Azisë dhe paqësorit të FMN, deklaroi se: “Ne projektuam një rritje të ekonomisë kineze pranë 6.5% gjatë këtij viti, por se ky vlerësim u bë përpara se të vinin shifrat e tremujorit të parë, që flasin për një rritje pranë 6.9%. Pra ne jemi të surprizuar nga kjo normë kaq e lartë. Ky është një lajm i mirë për ne dhe për të gjithë botën”.
Ndër të tjera ai shtoi se, ky është një shans mjaft i mirë për qeverinë kineze që të ketë norma më të larta rritje, dhe se kjo është koha më e mirë për të ndërmarrë reforma strukturore, sidomos në sektorin financiar.
Rhee deklaroi gjithashtu se, iniciativa “një rrip një rrugë” e promovuar nga Pekini ka nxitur ndjeshëm integrimin ekonomik rajonal.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.