Fmn flet për -5%/ Efekt i përkohshëm, në 2021-shin ekonomia do të rritet me 8%!
Pasqyra ekonomike globale e FMN për pranverën sinjalizon se ekonomia shqiptare do të jetë në recesion këtë vit, me një rënie të prodhimit ekonomik me 5% krahasuar me vitin paraardhës.
Ky projeksion vjen vetëm pak ditë pas atij të Bankës Botërore, dhe është edhe më I zymtë.
Por, si në rastin e Bankës Botërore, edhe Fondi Monetar Ndërkombëtar sinjalizon se efekti I ngadalësimit është thjesht I përkohshëm, pasi ekonomia shqiptare pritet të rritet ndjeshëm vitin e ardhshëm.
Për 2021-shin, projeksionet flasin për një normë rritje të ekonomisë, në terma vjetorë, prej 8%. Por si është norma e rënies prej 5% këtë vit krahasuar me vendet e tjera të rajonit, sipas projeksionit të Fondit Monetar Ndërkombëtar? Maqedonia e Veriut dhe Serbia kanë një projeksion disi më të mirë, ndërkohë që Kosova dhe Bosnje Hercegovina janë në të njëjtat pozita me ne, ndërkohë që Mali i Zi parashikohet të bjerë me 9%.
Projeksionet e zymta të ekonomisë shqiptare këtë vit marrin shtysë kryesisht nga goditja që ka marrë sektori I turizmit.
Norma e inflacionit ndërkohë projektohet të rritet gjatë këtij viti dhe atij të ardhshëm, duke i`u afruar objektivit të Bankës së Shqipërisë, pranë dhe më poshtë se 3%.
Roel Korkuti/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.