FMN mbron masat e Kinës – “Do të ketë rimëkëmbje të shpejtë menjëherë pas virusit”
Shefja e Fondit Monetar Ndërkombëtar, Kristalina Georgieva, tha se ekonomia kineze do të rimëkëmbet shpejtë dhe efektivisht, pas kërcënimeve të sjella nga koronavirusi i ri. Shumë sipërmarrje kineze kanë rinisur prodhimin, ndërkohë që masat e ndërmarra për të bllokuar epideminë vrazhdojnë të aplikohen. Gjatë një interviste në Washington, Georgieva tha se skenari me më shumë mundësi është rimëkëmbje e shpejtë ekonomike pas përfundimit të virusit.
“Skenari më me shumë gjasa që ne vazhdojmë të mendojmë se do të ndodhë, është një ndikim në formë V-je, ku ka një rënie të madhe të aktivitetit, e më pas një rimëkëmbje të shpejtë”, është shprehur Shefja e FMN, Kristalina Georgieva
Shefja e fondi tha se qeveria kineze ka bërë përpjekje të mëdha në parandalimin dhe kontrollimin e epidemisë, si dhe ka ofruar masa në kohën e duhur drejt sektorit financiar.
“Në aspektin ekonomik, ajo që kina ka bërë është e mirëpritur. Fillimisht, një injeksion i likuiditetit nga Banka Qendrore e Kinës. Institucioni uli normat e interesit në mënyrë të përshtatshme dhe inkurajoi bankat në zonat e ndikuara që të rrisin kreditin për bizneset dhe familjet”, shtoi ajo.
Georgieva tha se Kina ka gjithashtu kapacitet fiskal për t’i dhënë nxitje ekonomisë, nëse do të ishte e nevojshme. Por ajo shtoi se e mbështet mos nxitimin e vendit në përdorimin e stimujve fiskalë, pasi është e rëndësishme që të kuptohet më mirë se ku do të ndodhin efektet më negative.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.