FMN sqaron taksimin në Shqipëri – Zbërthehen barrën tatimore mbi pagat, në terma absolutë
Në një studim të publikuar së fundmi, që mban firmën e dy autorëve, Fondi Monetar Ndërkombëtar sqaron në linja të përgjithshme dhe teknike sesi taksohen realisht pagat e shqiptarëve.
Ky grafik shpjegon pikërisht sesi ndryshon tatimi absolut, pra jo ai në përqindje i pagës së shqiptarëve, në varësi edhe të nivelit të pagës. Shqipëria përfaqësohet në këtë grafik nga ngjyra e kaltër, e siç duket qartë, është një ndër vendet që ka luhatjet më të mëdha të taksimit, edhe për shkak të tre fashave mbi të cilat bazohet taksa progresive.
Për shqiptarët që kanë një pagë nga 50% të pagës mesatare, deri në 167% të pagës mesatare, taksimi është progresiv, ose e thënë ndryshe, barra absolute e taksave rritet. Kjo do të thotë se, ata që paguhen më pak në vendin tonë, në terma absolutë, jo në përqindje, tatohen më shumë.
Taksimi vijon të mbetet në territor progresiv, paçka se në rënie deri në masën e 167% të pagës mesatare. Pas kësaj fashe, taksimi hyn në territor regresiv, çka do të thotë se, ata që fitojnë më shumë, në mënyrë absolute paguajnë më pak. Regresiv është taksimi edhe për ata që paguhen më pak në këtë vend, nga 33% deri në 50% të pagës mesatare.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.