FMN te programi i Greqisë, Lagarde: Do të marrim pjesë nëse borxhi është i qëndrueshëm

Fondi Monetar Ndërkombëtar nuk do të marrë pjesë në programin e shpëtimit të Greqisë nëse gjykon se borxhi i vendit është i paqëndrueshëm.  Komentet vijnë nga shefja e huadhënësit ndërkombëtar, Christine Lagarde.

Greqia duhet të zbatojë reformat e rëna dakord me ministrat e financave të Eurozonës më herët gjatë muajit, për të siguruar një kredi të re nën programin e shpëtimit prej 86 miliardë euro, që është i treti që prej 2010-ës.

Fondi i ri që do të zhbllokohet do të mundësojë pagesat e borxhit që vendi ka për të bërë në Korrik, por bisedimet janë ende në proces dhe FMN nuk ka vendosur ende nëse do të qëndrojë në bord.

Pjesëmarrja e fondit është gjykuar si një kusht nga Gjermani, në mënyrë që të zhbllokohen fonde të reja për Greqinë.

“Nëse borxhi i Greqisë është i paqëndrueshëm bazuar në rregullt e Fondit Monetar Ndërkombëtar, ne nuk do të marrin pjesë në program”, tha kreu i organizatës,  Christine Lagarde.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.