Fond  për projekte në Art, Kulturë dhe Trashëgimi Kulturore për 2018 – Datat dhe afatet për paraqitjen e projekt-propozimeve

Ministria e Kulturës do të akordojë një fond të posaçëm për projekte. Ai do të mbështesë propozime të paraqitura nga persona fizikë e juridikë, vendas e të huaj të cilët paraqesin projekt-propozime në fushën e Artit, Kulturës dhe Trashëgimisë Kulturore për vitin e ardhshëm.

Propozimet e paraqitura duhet që të sjellin ide  dhe risi në disa projekte, të renditura si më poshtë:

• Projekte të edukimit përmes artit, kulturës dhe trashëgimisë kulturore;
• Projekte në funksion të turizmit kulturor bregdetar;
• Projekte në kuadër të “Viti i Skënderbeut”;
• Projekte në kuadër të Vitit të Trashëgimisë Kulturore Europiane;
• Projekte kulturore digjitale;
• Projekte të industrive kreative;

Propozim-projektet do të zhvillohen përkatësisht brenda periudhës 20 shkurt – 5 dhjetor 2018. Fondi është parashikuar të mbulojë vetëm projektet të cilat zhvillohen kryesisht në Shqipëri.

Thirrja për projekt-propozime e Ministrisë së Kulturës për vitin e ardhshëm është hapur sot dhe do të mbyllet me datën 12 janar të vitit 2018, në orën 12:00.

Ndërsa sa i takon përzgjedhjes përfundimtare, do të shpallet me datë 15 shkurt të vitit të ardhshëm nga kolegjiumi.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.