Fondet e investimeve kalojnë 700 Milion dollarët – 35,906 anëtarë deri në qershor 2021, dominojnë Grupi Raiffeisen e Credins Premium
2021 ka qenë një vit pozitiv për fondet e investimeve, rritje ka shënuar si numri I qytetarëve që kanë investuar në to, ashtu edhe I fondit total që rezulton në mesin e këtij viti rreth 700 milionë dollarë. Sipas të dhënave të sapopublikuara nga Autoriteti i Mbikëqyrjes Financiare, fondi i total I investimeve është shtuar me rreth 40 milionë dollarë për gjashtë muajt e parë të këtij viti.
AMF bën me dije se gjatë periudhës 30.06.2021, në tregun e fondeve të investimeve ushtruan aktivitetin e tyre nëntë fonde investimi. Fondi i investimeve “Raiffeisen Prestigj”, “Raiffeisen Invest Euro”, “Raiffeisen Vizion” dhe “Raiffeisen Mix” të administruara nga shoqëria “Raiffeisen Invest”, fondi i investimeve “Credins Premium” nën administrimin e shoqërisë administruese “Credins Invest”, fondi “WVP Top Invest” dhe fondi “WVP GLOBAL” administrohet nga shoqëria “WVP Fund Management Tirana sh.a”, fondi i investimeve “Albsig Standard” nën administrimin e shoqërisë administruese “Albsig Invest” sh.a, fondi “ABI EIA” administrohet nga shoqëria “ABI Invest”.
Sipas analizës së të dhënave për tregun e fondeve të investimeve në 30.06.2021, vlera neto e aseteve të Fondeve, arriti rreth 71.85 miliardë lekë, rreth 700 milionë dollarë, me një rritje prej 4,448 milionë lekë ose 6.6%, krahasuar me 31.12.2020.
Ky treg dominohet kryesisht nga investimet në Obligacione Qeveritare, të cilat përbëjnë 64.22% të aseteve të fondeve, me një rritje prej 0.68% krahasuar me 31.12.2020. Numri i anëtarëve që kanë investuar në Fondet e Investimit më 30.06.2021 është 35,906 me një rritje prej 9.95% krahasuar me 31.12.2020.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.