Fondet për konviktet – 514 mln lekë për 27 bashki, paga dhe sigurime të personelit

Fondet për konviktet dhe qendrat e shërbimeve sociale për vitin 2018, kapin shifrën mbi 583 milionë lekë. Shuma prej 514 mln lekë do të shkojë vetëm për konviktet e arsimit parauniversitar.

Pas botimit të buxhetit në fletoren zyrtare bëhet më dije se këto fonde do të alokohen vetëm tek bashkitë përfituese, 27 gjithsej, si transfertë specifike.

Në këtë transfertë përfshihet  fondet për paga dhe sigurime shoqërore  të personelit, shpenzimet operative dhe ato për investime. Sipas vendimit të  publikuar, Ministria e Arsimit, Rinisë dhe Sportit para fillimit të vitit  buxhetor 2018  duhet të dërgojë në njësitë e vetëqeverisjes vendore, kuadrin ligjor sipas të cilit do të cilit do të  bëhet përllogaritja për pagat dhe sigurimet e personelit të  konvikteve.

Po ashtu në transfertën specifike  të vitit të ardhshëm,  njësive vendore u janë akorduar fonde për personelin edukativ dhe ndihmës për arsimin parashkollor dhe atij parauniversitar, tek ky i fundit nuk janë përfshirë  fondet për arsimin e mesëm  profesional.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.