Fondet për rrugën Tiranë-Elbasan, Dervishaj: Punimet do të përfundojnë brenda vitit

Ulja e kostos fillestare me 100 milionë dollarë për projektin e ndërtimit të rrugës Tiranë-Elbasan solli pasoja në cilësinë e punimeve dhe vonesat për përfundimin e kësaj vepre.

Ndërkohë  ky aks rrugor është mjaft  i rëndësishëm për qytetarët shqiptarë.

Kështu u shpreh Ministri i Transporteve, Sokol Dervishaj, gjatë seancës plenare të Kuvendit, ku dhe paraqiti  arsyet e vonesave në projekt.

Banka Islamike për Zhvillim ka dhënë një hua prej 35 milionë dollar shtesë, për përfundimin e një segmenti prej 4 km. Deputetët e shumicës në Kuvend kanë miratuar këtë hua.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.