Fondi i rindërtimit – Rama: 3 zonat ku do ndërtohet në Tiranë. KE: Ndihma, pas vlerësimit të nevojave
Kryeministri Edi Rama është shprehur i vendosur për ndërtimin e lagjeve të reja për banorët e prekur nga tërmeti i fuqishëm i 26 nëntorit, si zgjidhje për strehimin tyre. Gjatë mbledhjes së radhës të qeverisë, Rama tha se në Tiranë janë identifikuar zonat në Kombinat, pranë “5 Majit” dhe pranë ish-Uzinës së Autotraktorëve ku mund të ndërtohet, ndërkohë që një lagje e re do të ngrihet edhe në Laç.
Ndërkaq, që një ditë pasi Komisioni Europian njoftoi dhënien e 15 milion eurove si ndihmë për Shqipërinë, komisioneri i ri europian për Menaxhimin e Krizave Janez Lenarčič tha se ndihma do të vijojë, por vetëm pas vlerësimit të dëmeve dhe nevojave.
Sipas Ramës, Fondi i Rindërtimit do të ketë burim kryesor buxhetin e shtetit, por aty do të bashkohen edhe të gjitha fondet e tjera.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.