“Fondi i Start Up-ve”, Rama: Numri i sipërmarrësve të rinj që përfituan. Ndikimi që pati te bizneset zerimi i taksës
“Rreth 50 sipërmarrës të rinj kanë përfituar nga fondi i “Start up-ve”. Kështu është shprehur kryeministri Rama, gjatë një takimi me sipërmarrësit e rinj. Kreu i qeverisë ka përmendur gjithashtu heqjen e taksës, si një mundësi për të nxitur zhvillimin e sipërmarrësve të rinj.
“Kemi edhe 50 kompani të vogla që kanë filluar si sipërmarrës të rinj dhe që kanë përfituar nga fondi i Start Up-ve. Kjo për të nxitur të rinjtë dhe për t’iu thënë se nuk është leku që sjell idetë, por janë idetë që sjellin lekun. Një person duke vënë idenë e vet do të fitojë edhe të ardhurat. Ka shumë të rinj kreativë në Shqipëri. Tirana gjithashtu është e mbushur me të rinj që kane ide fantastike në fushën e Dizajnit dhe në fusha të tjera. Do të mbështesim të rinjtë, është bërë shumë por ende mbetet për t’u bërë” u shpreh Kryeministri Rama.
Sipas tij janë rreth 50 mijë biznese te reja të regjistruara në Shqipëri që kanë përfituar nga zerimi i taksës.
“Kemi 50 mijë biznese te reja të regjistruara në Shqipëri dhe pjesa e madhe e tyre biznese të vogla, të cilat kane përfituar nga zerimi i taksës. Përmes vetëpunësimit i jepet një mundësi qytetarëve dhe sigurisht kanë mundësinë të zhvillohen përmes taksës zero”, pohoi kreu i kabinetit qeveritar gjatë këtij takimi.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.