Fondi për komunitetin, Veliaj: 200 mln lekë për disa projekte. Zgjidhni administratorët për nisjen e tyre
Bashkia e Tiranës akordon rreth 200 mln lekë, fond ky për komunitetin për nisjen e disa projekteve. Por për të përfituar nga ky fond, qytetarët më parë duhet të zgjedhin administratorët e pallateve. Kështu është shprehur kyebashkiaku Erion Veliaj, në një takim me qytetarët ku tha se:
“Fondi i komunitetit është diçka e re, banorët vetë mund të vendosin ku e duan investimin. Qytetarët sot thonë si është e mundur që ky investim ka shkuar deri në pallatin tim, në apartamentin tim? Jemi si dita me natën nga dy vite me parë në Tiranë. Duhet të rregullojmë infrastrukturën, mentalitetin dhe stilin e jetesës në komunitet. Bashkia vë në dispozicion 200 mln lekë, si një fond pilot, ku administratori propozon ndërhyrjen në një pallat, ndërhyrje kjo me impakt vetëm për pallatin dhe komunitetin e vogël. Pra duhet që kemi administratorët e pallateve. Procesi ka ecur para dhe është krijuar kryesia e asamblesë së banorëve. Kanë filluar rekrutimin e administratoreve, disa kanë zgjedhur administratorë dhe komision administrimi. Qytetarët të mblidhen dhe të votojnë administratorin. Nëse zgjedhin administratorin, bashkia do të bashkëfinancojë disa projekte model”, tha Veliaj.
Kreu i Bashkisë foli edhe për një proces gjobash për ata që ndotin rrugët, pasi pastrojnë lokalet apo Bar-Kafetë në Tiranë.
“Kemi nisur një proces gjobash, pasi është e panatyrshme që ti të pastrosh nga territori i lokalit tënd dhe të derdhësh plehrat në rrugë”, tha Veliaj.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.