Fondi Social – Manastirliu: Financim për ngritjen dhe zgjerimin e shërbimeve sociale në çdo bashki
Në të gjitha bashkitë e vendit do të ngrihen dhe zgjerohen shërbimet sociale për gratë, fëmijët në vështirësi dhe të gjithë kategoritë në nevojë përmes Fondit Social.
Deklarata ka ardhur nga Ministrja e Shëndetësisë dhe Mbrojtjes Sociale, Ogerta Manastirliu, gjatë vizitës në një qendër sociale e cila mbështet viktimat e trafikimit dhe të dhunës, ku lajmëroi vendimin e fundit të qeverisë për Fondin Social. Sipas saj, Fondi Social do të vihet në funksion të të gjitha bashkive në bend përmes planeve sociale që ati di të miratojnë për të gjithë grupet në nevojë.
Kështu, referuar vendimit të fundit të qeverisë, kriteri kryesor për të përfituar nga Fondi Social është nevoja reale për këto shërbime, aty ku mungojnë ose janë të pakta. Sipas ministres, bashkitë përmes shërbimeve sociale do të financojnë në mënyrë të vazhdueshme këto shërbime.
“Metodologjia e financimit që Këshilli i Ministrave ka miratuar do të bëjë të mundur që çdo bashki të ngrejë shërbime sociale në territor për grupe në nevojë dhe të financojë jo vetëm këtë vit, por në mënyrë të vazhdueshme, duke filluar në vitin e parë me 90 % të financimit, vitin e dytë 60 % të financimit, vitin e tretë 30% të financimit, në mënyrë që të rritet angazhimi i strukturave vendore për financimin e këtyre shërbimeve”, tha Manastirliu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.