Forcimi i shoqërisë civile – Organizohet në Tiranë forumi i shtatë i Ballkanit Perëndimor
Forcimi i rolit të shoqërisë civile në promovimin e bashkëpunimit rajonal në fusha të ndryshme ka mbledhur në Tiranë rreth 150 pjesëmarrës nga vende të ndryshme të rajonit. Në çelje të forumit të 7 të Ballkanit Përëndimor, kreu i këtij komiteti, Luca Jahier krahas nevojës për dialog social ne rajon bëri thirrje për marrëveshje mes vendeve në Balkan që po hasin në sfida të ndryshme për rrugën drejtë BE.
Të pranishëm në ditën e parë të organizimit të këtij forumi ishin edhe kreu i bashkisë së Tiranës Erion Veliaj si edhe zv Ministri për Europën dhe Punët e Jashtme Sokol Dedja të cilët nënvizuan rëndësinë e hapësirave për shoqërinë civile si dhe angazhimin e vendit tonë për progress në rrugën për në BE .
Një kërkesë për më shumë zë kritik nga ana e shoqërisë civile është bërë edhe nga Majlinda Bregu si Sekretare e Përgjithshme e Këshillit të Bashkëpunimit Rajonal. ajo nënvizoi se BE ka investuar në 3 vite rreth 145 milion euro gjë e cila duhet të përkthehet në angazhim.
Ky forum pritet të zgjasë dy ditë ku pjesëmarrësit pritet të dalin në konkluzione përfundimtare të bashkëpunimit të cilat do të publikohen në përfundim të tij.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.