Formula/ Aldo Merkoçi: Si do të numërohen votat. Fletët që nuk kanë kandidatë të përzgjedhur do të ndahen mënjanë

Kreu i Lëvizjes Mjaft Aldo Merkoci ka shpjeguar se si do të funksionojë procesi i numërimit të votave. Në intervistë me gazetarët e SCAN Enio Civici dhe Elefteria Zguri, Merkoi tha se fillimisht do të numërohen votat për partitë për të vijuar më pas me votat e kandidatëve. Në këto kushte, fletet që do të kenë vetëm votimin për partitë por pa përzgjedhur kandidatë, do të ndahen veçmas që të mos numërohen dy herë, dhe për të thjeshtuar procesin e numerimit të votave të kandidatëve.

“Nuk mendoj që do të ketë ndonjë ngërç por do të ndodhë që siç është lajmëruar nga KQZ dhe nga takimi i fundit që patëm me Celibashin është që partitë kryesore mund të përfitojnë nga fakti që njerëzit nuk kanë votuar për kandidatët dhe ata që nuk kanë votuar për kandidatë, votat të përkthehen siç do partia.

Është vendosur që në momentin që të bëhet numërimi  i parë do të ndahen veçmas numërimi për partitë dhe ato që kanë dhe partinë dhe kandidatin. Nuk do të numërohet më herën e dyta fletët e votimit që nuk kanë emra kandidatësh.  

Do të jetë interesante që kur të mbarojë procesi i numërimit të votave, mendoj unë, kur të dalë rankimi se sa vota kanë marrë. Do të ketë kandidatë që kanë qenë në poste preferenciale dhe mund të kenë ceduar në galvanizimin e votave dhe kandidatë jashtë listave preferenciale që ndoshta nuk do e thyejnë herësin por mund të kenë sasi votash të mjaftueshme” tha Merkoçi.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.