FOTO-“Çmenduri” në rrugë dytësore Levan-Tepelenë, automjeti me 182 km/orë! Policia: Mos fluturoni, jeni të vëzhguar nga radarët

Policia e Shtetit u bën apel drejtuesve të automjeteve që të mos tejkalojnë limitin e shpejtësisë së drejtimit të automjetit, sidomos pas urdhërit të Ministrisë së Brendshme për të larguar nga rrugët e vendit patrullat e policisë rrugore.

Vendin e punonjësve të policisë rrugore e kanë zënë tashmë radarët elektronikë.  Referuar një njoftimi të policisë, radari elektronik ka konstatuar një automjet që qarkullonte me shpejtësinë 182 kilometra në orë në Selishtë, në rrugën interurbane dytësore Levan – Tepelenë.

“182 km/orë matur me Radar elektronik. Mos fluturoni se jeni më të vëzhguar tashmë sesa kur ishin policët rrugor prezent në rrugë” njofton policia. Drejtuesit të mjetit, me banim në Itali, i është tërhequr patenta.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.