FOTO/Shtëpia rrotulluese pranë bregut të Adriatikut që ofron një pamje panoramike të fshatit italian
Nuk ka asgjë më të mirë se sa të ulesh në bregdetin e Adriatikut dhe të shijosh pamjet mahnitëse italiane.
Por imagjinoni të jeni në bregdetin e Adriatikut por brenda një shtëpie që rrotullohet në çdo drejtim dhe ju ofron pamje të lavdishme panoramike të vendit përreth.
Në afërsi të Riminit, arkitekti Roberto Rossi ka projektuar një shtëpi e cila mund të rrotullohet mekanikisht sa herë që pronari dëshiron një pamje të re nga dritarja e dhomës së ndenjes.
Por mekanika e kësaj shtëpie unike tetëkendore është funksionale po aq sa edhe estetike.
Rossi e ndërtoi këtë shtëpi për të qenë e qëndrueshme, me panele diellore të vendosura në çati, shtëpia mund të ndjekë drejtimin e diellit dhe të gjenerojë në mënyrë efikase sasi të konsiderueshme energjie.
Shtëpia gjithashtu ngrohet nga një pompë ngrohjeje dhe sistemi diellor termik.
Për të parandaluar amortizimin nga rrotullimi i vazhdueshëm kontraktori i ndërtimit ProTek ndërtoi shtëpinë me një strukturë çeliku dhe fibra druri në mënyrë që të mos ketë shumë peshë.
Por ideja e një shtëpie rrotulluese nuk është e re. Në vitet 1930, inxhinieri Italian Angelo Invernizzi krijoi një shtëpi në formë L-je e cila rrotullohet rreth një kulle qendrore, kjo ishte dhe shtëpia ku Rossi gjeti frymëzim.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.