(FOTO-VIDEO) Qyteti i parë lundrues drejt realizimit në 2020! Projekti 167 milion dollarësh që ka si ideator nipin e ekonomistit Friedman
Ky projekt i guximshëm është propozuar prej vitesh nga Instituti “Seasteading” që do të krijojë qytetin e parë në botë që lundron e që mund të përfundojë së ndërtuari në vitin 2020. Instituti “Seasteading”, një organizatë jofitimprurëse me seli në San Francisko, ka arritur këtë vit një marrëveshje me qeverinë e Polinezisë franceze për të ndërtuar këtë qytet.
Qyteti i parë në botë që lundron do të ketë rreth 70 struktura, që përfshijnë rezidenca, zyra, restorante, dyqane e hotele. Për të realizuar këtë projekt nevojiten 167 milionë dollarë. Çdo qytet lundrues do të ketë një kuadër qeverisës special, pra modele qeverisëse novatore.
Instituti në fjalë ka marrë mbështetje financiare për konkretizimin e idesë nga themeluesi i Paypal Peter Thiel por gjithashtu ka mbledhur edhe fonde private nga një fushatë.
Themelues i institutit është Patri Friedman, nipi i ekonomistit Milton Friedman. Polinezia franceze për këtë projekt ka vënë në dispozicion 100 hektarë plazh.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.