FOTOT/ 250 milionë dollarë për ndërtimin e një Parku “Lundrues” – Projekti “mbështetur” në 300 shtylla betoni, pritet të përfundojë në 2020
Miliarderi Barry Diller ka në plan të ndërtojë një park lundrues prej 250 milionë dollarësh në New York, ndërkohë që projekti duket gati – gati i pa besueshëm.
Diller zbuloi projektin e quajtur “Diller Island”, në vitin 2014, ndërkohë që gjatë tre viteve të fundit, shpenzimet janë rritur nga 35 milionë në 250 milionë dollarë.
Ky projekt është shoqëruar edhe me padi për dëmtimin e mjedisit nga grupi qytetar “City Club”, me qëllim që të mos lejohej ndërtimi i ishullit të Diller.
Projekti duket se është “rigjallëruar”, pasi guvernatori i New Yorku-t, Andrew Cuomo i bindi të gjitha palët të arrijnë një konsensus, raportojnë mediat amerikane.
Diller ka në plan të ndërtojë parkun lundrues në lumin Hudson në Manhatan, mbështetur në 300 shtylla betoni, një platformë rreth 186 metra nga bregu, i cili pritet të hapet deri në fund të vitit 2020. Në projekt është parashikuar të ndërtohet edhe një amfiteatër me 700 vende për shfaqe, ku hyrja do të jetë falas apo me një kosto të ulët.
Londra u përpoq të ndërtonte një park të ngjashëm, të quajtur Ura e Kopshtit, në lumin Thames, por kryetari Sadiq Khan nuk lejoji që ky projekt të ngrihej me arsyetimin se me ndërtimin e tij, taksapaguesit mund të “zemëroheshin”, pasi fondet publike që do të përdoreshin kapnin vlerën e 43 milionë USD.
Një park i ngjashëm, me fruta dhe perime i quajtur “Swale”, tashmë është ndërtuar në Bruklin në SHBA.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.