FOTOT-Hapet qarkullimi në Vorë-Kthesa e Rinasit! Po drejtuesit e automjeteve duhet shmangin kalimin në disa akse të tjera ku ka punime
Autoriteti Rrugor Shqiptar dhe Policia Rrugore informojnë se ka përfunduar rehabilitimi dhe është hapur qarkullimi në segmentin rrugor Vorë-Kthesa e Rinasit. Ndërkohë, vazhdojnë punimet për segmentin tjetër Kthesa e Rinasit-Fushë Krujë e cila vijon të mbetet e bllokuar.
“Ndërhyrja e shtresave asfaltike në segmentin Vorë-Kthesa e Rinasit ka përfunduar. Segmenti në fjalë është hapur tanimë për kalimin e mjeteve, me sinjalistikë dhe vijëzim provizor. Ndërkaq, kujtojmë median dhe opinionin publik se segmenti tjetër Kthesa e Rinasit – Fushë Krujë është i bllokuar dhe po i nënshtrohet ndërhyrjes rehabilituese. ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve gjatë procesit të ndërhyrjes në këtë segment rrugor dhe respektimin në mënyrë rigoroze sinjalistikën provizore të vendosur dhe udhëzimet e policisë rrugore në terren” njofton Autoriteti.
Banorët rezidentë të zonës mund të vazhdojnë të përdorin segmentin rrugor nga kthesa e Rinasit deri në Fushë Krujë.
Sikurse njofton Autoriteti Rrugor, mjetet e transportit të mallrave/kamionet që udhëtojne nga Shkodra, Lezha në segmentin Milot – Fushë Krujë në drejtim të Tiranës dhe Durrësit duhet të ndjekin drejtimin e Kamzës dhe të vazhdojnë udhëtimin nëpërmjet Autostradës.
Dogana e Tiranës është e aksesueshme nga ana e Vorës. Mjetet mund të aksesojnë Doganën vetëm nëpërmjet segmentit rrugor Vorë – Dogana e Tiranës për të kryer shërbimet doganore dhe të kthehen përsëri në drejtim të Vorës.
Rruga është e hapur gjithashtu për të gjitha automjetet që duan të kryejnë shërbimet e Kontrollit Periodik në qendrën SGS vetëm nëpërmjet drejtimit të Fushë Krujës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.