FOTOT/ Pajisja prej 10 miliardë dollarësh në kërkim të fundit të errësirës – Për çfarë qëllimi?!

Në fund të një shpelle, ndoshta; ose në një bodrum kur rryma fiket ka zakonisht një shkëlqim të dobët që vjen nga diku. Edhe qielli i natës nuk duket kurrë vërtet i zi, jo vetëm sepse zakonisht ka një ose dy yje që vezullojnë në distancë.

Pra, është e vështirë të imagjinohet një kohë kur gjithçka që ekzistonte ishte errësira, kur mund të udhëtoje në çdo drejtim për miliona vjet dhe ende të mos shihje absolutisht asgjë.

Por kjo është historia që na tregojnë shkencëtarët, për “epokat e errëta” që mbërthyen Universin përpara se të ndizeshin yjet e parë. Dhe shumë shpejt, ata synojnë të na tregojnë atë kohë, ose më mirë se si përfundoi – sesi kozmosi përfundimisht u mbush me dritë.

Ata do ta bëjnë këtë duke përdorur teleskopin më të madh të vendosur ndonjëherë përtej Tokës: Teleskopi Hapësinor James Webb.

Duke u nisur në ditët në vijim, JWST është në një mision për të parë më thellë në Univers – dhe për këtë arsye më larg në kohë – sesa teleskopi legjendar Hapësinor Hubble, të cilin ia del.

I pajisur me një pasqyrë 6.5 m të gjerë dhe katër instrumente super të ndjeshme, Webb do të shikojë për ditë të tëra në një vend shumë të ngushtë në qiell për të zbuluar dritën që ka udhëtuar nëpër pafundësinë e hapësirës për më shumë se 13.5 miliardë vjet.

Është një ide befasuese që ju mund të jeni ende në gjendje të dëshmoni një gjë të tillë. Por kjo është pasojë e dritës që ka një shpejtësi të kufizuar në një kozmos të gjerë dhe në zgjerim. Nëse vazhdoni të hulumtoni gjithnjë e më thellë, përfundimisht duhet të merrni dritën nga yjet pionierë ndërsa ata grupohen së bashku në galaktikat e para.

Megjithatë, për çfarë qëllimi? Pse të shpenzoni 10 vjet duke ngjizur dhe 20 vjet të tjera duke ndërtuar një makinë prej 10 miliardë dollarësh për të zbuluar disa njolla të zbehta dhe të kuqe në qiell? Epo, në thelb bëhet fjalë për pyetjet më themelore: Nga vijmë?  BBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.